სროლა ტეხასში და 26 დაღუპული - თავდასხმის ერთ-ერთ მიზეზად სიდედრთან კონფლიქტი განიხილება

მსოფლიო - 11:28, 07 Nov, 2017

1072

ტეხასში, ეკლესიაში განხორციელებული თავდასხმის მიზეზი, სავარაუდოდ თავდამსხმელის ოჯახური კონფლიქტი იყო, ამის შესახებ განცხადება ტეხასის საზოგადოებრივი უსაფრთხოების დეპარტამენტის წარმოამადგენელმა ფრიმენ მარტინმა გააკეთა. მისი თქით, ეკლესიაში, სადაც სროლა მოხდა თავდამსხმელის სიდედრი იმყოფებოდა, რომელსაც სიძემ რადენიმე ხნით ადრე მუქარის შემცველი შეტყობინება გაუგზავნა. თავდამსხმელი დაქორწინებული იყო დანიელ შილდსზე, წყვილს საერთო შვილი ჰყავს. კელის სიდედრი, მიშელ შილდსი აღნიშნული ბაპტისტური ეკლესიის მრევლი იყო და პასტორის მეუღლესთან მეგობრობდა.დევინ კელი რამდენიმე წლის წინ აშშ-ის საჰარეო ძალებიდან გააგდეს, რადგან იგი საკუთარ ცოლსა და შვილზე ძალადობდა.

მარტინის თქმით თავდასხმის მიზეზი არ ყოფილა ვინმეს რასობრივი ან რელიგიური კუთვნილება.

შეგახსენებთ, ტეხასში მდებარე ბაპტისტურ ეკლესიაში სროლა 5 ნოემბერს ადგილობრივი დროით 11:30 მოხდა. თავდასხმის შედეგად 26 ადამიანი დაიღუპა და 20-მდე დაშავდა, მათგან 10 საავადმყოფოში კრიტიკულ მდგომარეობაში იმყოფება. მსხვერპლთა ასაკი წლინახევრიდან 77 წლამდეა. სროლის შემდეგ თავდამსხმელი 26 წლის დევინ კელი მიმალვას ავტომობილით შეეცადა, თუმცა ის გარდაცვლილი ავტომობილში იპოვეს. ერთ-ერთი ვერსიით მან თავი მოიკლა, მეორე ვერსიით კი მისი ლიკვიდაცია, თავდასხმის ერთ-ერთმა თვითმხილველმა მოახდინა.