ვენის პოლიციამ დააკავა 54 წლის გერმანიის მოქალაქე, რომელსაც 400 გრამი ტროტილი აღმოაჩნდა. ამ ფაქტის შესახებ პოლიციას ერთერთი მაღაზიის გამყიდველმა აცნობა, რომელსაც ასაფეთქებელი ნივთიერების შესახებ მისმა მფლობელმა თავად მოუყვა.

დაკავებულს ტროტილი გარდა, დანა და საბრძოლო მასალა აღმოუჩინეს. მან განაცხადა, რომ ასაფეთქებელი სლოვაკეთში, სამხედრო-სასწავლო პოლიგონზე იპოვა. ის მალევე გაათავისუფლეს, თუმცა მის წინააღმდეგ საქმე არ შეწყვეტილა და სავარაუდოდ ბრალდებასაც წაუყენებენ.

მამაკაცი გერმანიიდან 10 წლის წინ წავიდა და ევროპაში ველოსიპედით მოგზაურობს.

პოლიცია ამ ინციდენტს ტერორიზმა არ უკავშირებს.