გოლფი, სამიტები, სავარაუდო შეხვედრა პუტინთან - ტრამპმა აზიაში 12 დღიანი ტურნე დაიწყო

მსოფლიო - 09:33, 05 Nov, 2017

1356

აშშ-ს პრეზიდენტის თორმეტდღიანი აზიური ტურნე დაიწყო. ასეთი ხანგრძლივობის ვიზიტი მსოფლიოს ამ რეგიონში აშშ-ს პრეზიდენტებს უკვე 25 წელია არ ჰქონიათ.

თვითმფრინავში დონალდ ტრამპმა განაცხადა, რომ ტურნეს განმავლობაში, სავარაუდოდ, აშშ-ს პრეზიდენტს ვლადიმერ პუტინს შეხვდება.

"მე ვფიქრობ, პუტინთან შეხვედრებიც იგეგმება, ჩვენ გვინდა პუტინისგან, რომ ჩრდილოეთ კორეის საკითხში დაგვეხმაროს," - განუცხადა ტრამპმა თვითმფრინავშ ჟურნალისტებს.

იაპონიაში ჩასვლამდე აშშ-ს პრეზიდენტმა ჰავაის კუნძულებზე პერლ-ჰარბორის მემორიალი მოინახულა.

ვიზიტის პირველი პუნქტი იაპონიაა. პრეზიდენტის თვითმფრინავი ტოკიოს მახლობლად მდებარე აშშ-ს სამხედრო ბაზა იოკოტაზე დაეშვა და ამერიკელ ჯარისკაცებს სიტყვით მიმართა.

მოგვიანებით ტრამპი იაპონიის პრემიერ მინისტრ სინძიო აბეს შეხვდება. მოლაპარაკებებიოს დასრულების შემდეგ ორი ქვეყნის ლიდერი გოლფს ითამაშებს.

იაპონიის შემდეგ ტრამპი სამხრეთ კორეას ეწვევა, სადაც სამხედრო კომპლექს კემპ-ჰამფრისს მოინახულებს.

ტრამპი ვიეტნამშიც ჩავა და ქვეყნის ხელმძღვანელობასთან შეხვედრის გარდა, აზია-წყნარი ოკეანის ეკონომიკური თანამშრომლობის სამიტსაც დაესწრება.

ტურნეს დასასრულს პრეზიდენტი მანილაში, სამხრეთ აღმოსავლეთ აზიის ქვეყნების ლიდერების სამიტს დაესწრება.