ჰოლივუდის ტიტულოვან მსახიობს დასტინ ჰოფმანს სექსუალურ შევიწროებაში ადანაშაულებენ, საუბარია 1985 წელს მომხდარ ფაქტზე, პირი რომელიც ჰოფმანს ბრალს სდებს იმ პერიოდისთვის 17 წლის იყო.

მწერალი ანა გრემ ჰანტერი აცხადებს, რომ მსახიობი, რომელიც ახლა 80 წლისაა, “უხერხულად შეეხო ხელებით და სექსზე საუბარი დაუწყო“

„გადასაღებ მოედანზე მან მთხოვა ფეხების მასაჟი გამეკეთებინა, ეს გავაკეთე, მეფლირტავებოდა, საჯდომზე ხელი მომკიდა, ის საუბრობდა სექსით დაკავებაზე ჩემტან ერთად და ჩემს თვალწინ. ერთხელ, დილით მის გასახდელში შევედი, რათა საუზმე შემეკვეთა მისთვის, მიყურებდა და მიცინოდა, არ ჩქარობდა, შემდეგ მითხრა „მაგრად მოხარშული კვერცხები და მუბუქად მოხარშული კლიტორი მინდა“, გარშემომყოფებმა გაიცინეს. წამოვედი საუბრის უნარი დავკარგე, შემდეგ აბაზანაში შევედი და ვიტირე“, - აცხადებს ქალბატონი.

The Guardian-ის ცნობით, ჰოფმანმა აღნიშნულ ბრალდებას უპასუხა: „მე დიდ პატივს ვცემ ქალებს და თავს საშინლად ვგრძნობ, გამომდინარე იქედან, რაც შეიძლებოდა გამეკეთებინა, ამან იგი უხერხულ მდგომარეობაში ჩააგდო. პატიებას ვითხოვ. ეს ყველაფერი არ ასახავს იმას ვინც ვარ“