უზბეკეთის პრეზიდენტმა ამერიკის შეერთებულ შტატებს გუშინ, ნიუ იორკში მომხდარი ტერაქტის გამოძიებაში დახმარება შესთავაზა. აღსანიშნავია, რომ თავდამსხმელი 29 წლის საიფულო საიპოვია, რომელიც უზბეკეთის მოქალაქეა და ამერიკის შეერთებულ შტატებში 2010 წლიდან ცხოვრობს.

„უზბეკეთი მზად არის გამოიყენოს ყოველგვარი ძალა და რესურსი, რაღა დაეხმაროს ამერიკის შეერთებულ შტატებს ტერაქტის გამოძიებაში:, - განაცხადა პრეზიდენტმა შავკატ მირზეევმა. მან თანაგრძნობა გამოხატა დონალდ ტრამპისა და ამერიკის შეერთებული შტატების მიმართ. პრეზიდენტის განცხადება ქვეყნის საგარეო საქმეთა სამინისტროს ვებგვერდზე გავრცელდა.

შეგახსენებთ, რომ რამდენიმე საათის წინ პიკ-აპის მძღოლი მანჰეტენზე ველობილიკზე შევარდა, შემდეგ კი ცეცხლსასროლი იარაღიდან ხალხს ცეცხლი გაუხსნა, შედეგად გარდაიცვალა 8 ადამიანი, 11 კი დაშავდა. ტავდამსხმელი სამართალდამცავმა მუცლის არეში დაჭრა. მისი იდენტიფიცირება მალევე მოხდა. საიპოვმა ავტომობილი ტავდასხმამდე ერთი საათით ადრე იქირავა, სამართალდამცავებმა ავტომობილში სამი წერილი აღმოაჩინეს, სადაც თავდამსხმელი ამბობს, რომ იგი „ისლამური სახელმწიფოს“ მებრძოლია. თვითმხილველებმა ასევე გაიგეს ტავდამსხმელის სიტყვები - „დიდება ალაჰს“.

აღსანიშნავია, რომ თავდამსხმელი 7 წელია ფლორიდაში ცხოვრობს. მომხდარს დონალდ ტრამპი გამოეხმაურა და თავდამსხმელს ავადმყოფი და შეურაცხადი უწოდა. ასევე ცნობილია, რომ თავდამსხმელი დაქორწინებულია და მას შვილიც ჰყავს. იგი 2013 წელს დაქორწინდა.