იახტა, რომელში ორი ქალი და ორი ძაღლი იმყოფებოდა 5 თვის განმავლობაში ღია ზღვაში ტივტივებდა, ვიდრე იაპონიის ნაპირებიდან 1,4 ათასი კილომეტრის მოშორებით ამერიკული სადესანტო გემის „აშლანდის“ ეკიპაჟმა არ გადაარჩინა.

ჰავაის მაცხოვრებელებმა ჯენიფერ აპელმა და ტაშა ფუაბამ მოგზაურობა ტაიტისკენ მაისში დაიწყეს, თუმცა მალევე შტორმმა მათი იახტის ძრავი მწყობრიდან გამოიყვანა, ქალები იმედოვნებდნენ, რომ დანიშნულების ადგილამდე აფრების დახმარებით მივიდოდნენ, თუმცა დინებამ მათი მარშრუტი არია.

მოგზაურები დახმარების თხოვნით შეტყობინებებს აგზავნიდნენ, თუმცა სიგნალი იმდენად სუსტი იყო, რომ ნაპირამდე და სხვა გემებამდე ვერ აღწევდა.

ქალების განცხადებით მათ ამდენ ხანს იმის წყალობით გაძლეს, რომ ბორტზე ერთი წლის საკვების მარაგი და წყლის გასაფილტრი აპარატი ჰქონდათ.