“მე სანტა არ ვარ , რადგან გვიანელებიც არ არიან ბავშვები“- განაცხადა ემანუელ მაკრონმა ხუთშაბათს, 26 ოქტომბერს საფრანგეთის გვიანაში ვიზიტისას. მისი თქმით ის იქ ცრუ დაპირებების გასაცემად არ ჩასულა.

ემანუელ მაკრონი სიტყვით მარიპასულეში გამოვიდა, რომელიც მიგრაციული ნაკადის მოზღვავებას განიცდის:

„ სახელმწიფომ ძალიან ბევრი დაპირება გასცა, რომელიც არ შეასრულა . მე აქ იმისთვის ვარ რომ გითხრათ ის სიმართლე, რომლისაც მჯერა და ავიღო ის ვალდებულებები რომელსაც ჩემი 5 წლიანი ვადის განმავლობაში შევინარჩუნებ.“- განაცხადა მაკრონმა.

დღევანდელი გვიანა ცხოვრების საკმაოდ მაღალი დონით გამოირჩევა,. როგორც ზღვისიქითა რეგიონი და საფრანგეთის დეპარტამენტი სარგებლობს ამ სტატუსის ყველა პრივილეგიით და შეღავათით. სწორედ ეს მდგომარეობა იზიდავს აქ არალეგალრ მიგრანტებს მეზობელი სურინამიდამ და გაიანადან. მიუხედავად ამ პირობებისა საფრანგეთის გვიანაში უმუშევრობის დონე ისევ მაღალია და 26%-ს აჭარბებს. სწორედ ეს გახდა მიზეზი მასობრივი საპროტესტო აქციებისა და გაფიცვებისა, რის შემდეგაც საფრანგეთს რეგიონის განვითარებისთვის დამატებით მილიარდნახევარი ევროს გამოყოფა დასჭირდა.