აშშ-მ ჯონ კენედის მკვლელობის შესახებ საიდუმლო დოკუმენტები გაასაჯაროვა

მსოფლიო - 13:03, 27 Oct, 2017

3018

26 ოქტომბერს აშშ-ის ლიდერმა დონალდ ტრამპმა ხელი მოაწერა მემორაბდუმს, რომელიც აშშ-ის 35-ე პრეზიდენტის ჯონ კენედის მკვლელობის შესახებ დოკუმენტების გასაჯაროებას გულისხმობს.
ეროვნული არქივის ვებ გვერდზე 3100-ის ნაცვლად მხოლოდ 2891 საიდუმლო დოკუმენტი გამოქვეყნდა. დანარჩენის გასაჯაროება ცენტრალური დაზვერვის სამსახურის მოთხოვნით, არ მოხდა. დაზვერვა შიშობს, რომ სრული დოკუმენტაციის გამოქვეყნება უწყების მუშაობის მეთოდებს და აგენტებს შეუქმნის საფრთხეს. უწყებებმა მოითხოვეს, რომ დოკუმენტების ბოლომდე გასაცნობად დრო 2018 წლის 26 აპრილამდე მიეცეთ.

საბჭოთა სპპეცსამსახურები და ხელისუფლება აშშ-ის პრეზიდენტის მკვლელობას თავდაპირველად ულტრამემარჯვენეების შეთქმულებად მიიჩნევდა, რომელიც მიზნად ისახავდა მოსკოვთაბ ურთიერთობის დაძაბვასა და ბირთვულ ომსაც. ამის შესახებ საუბარია ერთ-ერთ გამოქვეყნებულ დოკუმენტში. ასევე დოკუმენტში აღნიშნულია, რომ თეთრი სახლის მეთაურის მკვლელობა მოსკოვში განგაშის დონის აწევის მიზეზი გახდა.

დოკუმენტებიდან ირკვევა, რომ კენედის მკვლელს ფედერალური საგამოძიებო ბიურო ტრაგედიამდე 2 თვით ადრე უთვალთვალებდა.

ასევე დგინდება, რომ ლი ჰარვის ოსვალდს საბჭოთა დიპლომატთან ჰქონდა კავშირი, რომელიც ამერიკული დაზვერვის ცნობით, რუსული "კა-გე-ბეს" აგენტი იყო