დაკავებულების ადმინისტრაციული საქმის განხილვა რამდენიმე წუთში დაიწყება.

როგორც დაკავებული ორგანიზაციის "თავისუფალი ზონის" ერთ-ერთმა წარმომადგენელმა ირაკლი ჩხირკვაიამ განაცხადა, გუშინ დაკავებული არც ერთი პირი თავს დამნაშავედ არ ცნობს.


"მას შემდეგ რაც გავიგეთ რომ "დინამო არენაზე" იმყოფებოდნენ რუსეთის დუმის წარმომადგენლები, ჩვენ გავშალეთ ერთადერთი პლაკატი, რომელზეც ეწერა, რომ ოკუპანტი დეპუტატები უნდა წავიდნენ საქართველოდან. თავიდან მოგვთხოვეს ტერიტორიის დატოვება, თუმცა იმ ტერიტორიაზე, სადაც აქციას ვმართავდით, იმყოფებოდა სხვა პირებიც, რომლებისთვისაც პოლიციას არ მიუთითებია ტერიტორიის დაკავებაზე. როდესაც აღნიშნული ბრძანება მივიღეთ, ვიკითხეთ რომელი კანონის მიხედვით მოგვმართავდნენ, თუმცა ვერ განგვიმარტეს. პოლიციამ დაგვიხია პლაკატი. ჩვენ მათთვის არც ერთ კანონიერ მითითებაზე წინააღმდეგობა არ გაგვიწევია, შესაბამისად, თავს ვგრძნობთ უდანაშაულოდ", - განაცხადა ირაკლი ჩხირკვაიამ.