უკრაინელი დეპუტატის აფეთქებაში რუსეთის დადანაშაულებას კრემლი ისტერიად და რუსოფობიად აფასებს

მსოფლიო - 16:08, 26 Oct, 2017

1465

კრემლის ოფიციალური წარმომადგენლის დმიტრი პესკოვის განცხადებით, უკრაინელ დეპუტატზე განხორციელებულ თავდასხმაში რუსეთის დადანაშაულება, რუსოფობიის მორიგ გამოვლინებას წარმოადგენს.

„როგორც ყოველთვის, აბსოლუტურად უსაფუძვლო, დაუსაბუთებელი და ისტერიული ბრალდებებია კიევის მხრიდან, რომელიც ისმის არა მარტო რამზან კადიროვის მისამართით , არამედ ყველა იმ პირის მიმართ რომელიც მოსკოვში რაიმე თანამდებობას იკავებს“- განაცხადა პესკოვმა, უკრაინის შსს-ს განცხადების კომენტირებისას.

შეგახსენებთ, უკრაინის შს მინისტრის მრჩევლის ივან ვორჩენკოს თქმით, უკრაინის რადას დეპუტატის მოსიიჩუკზე განხორციელებულ თავდასხმაში რუსული კვალია, მისი თქმით ამაში შესაძლოა ჩართული იყოს ჩეჩნეთის ლიდერი რამზან კადიროვი.

შეგახსნებთ, კიევში სოლომენსკის რაიონში, გუშინ გვიან ღამით ტელეკომპანია „ესპრესოს“-ს ოფისთან მომხდარი აფეთქების შედეგად 2 ადამიანი დაიღუპა და 5 დაშავდა. გამოძიების ინფორმაციით დანაღმული მოპედი ტელეკომპანიის შენობასთან მაშინ აფეთქდა, როდესაც მიმდებარედ უკრაინის რადას დეპუტატი იგორ მოსიიჩუკი და პოლიტპლოგი ვიტალი ბალა გადაადგილდებოდნენ. დაღუპულთა შორის არიან მოსიიჩუკის პირადი მცველი, რომელიც მიღებული ტრავმებით საავადმყოფოში გადაყვანისას გარდაიცვალა და გამვლელი, რომელიც ახლოს მდებარე საცხოვრებელ სახლში ცხოვრობდა.