როგორც საპარლამენტო უმცირესობის წევრი გოგა ხაჩიძე წერს, მას შემდეგ, რაც პოლიციელებმა დეპუტატები დაინახეს, მანქანებში ჩახტნენ, დაკავებულები წაიყვანეს და გაიქცნენ:

"შს სამინისტროს უკანა ეზოში საპატრულო ავტომობილების სამრეცხაოა, ე.წ. "მოიკა". აი მანდ ყავდათ და ვერ იღებდნენ გადაწყვეტილებას რა ექნათ. ალბათ მინისტრი სხვა საქმეებით იყო დაკავებული.

როდესაც დეპუტატების ჯგუფი მივედით, სასწრაფოდ ჩახტნენ მანქანებში, წაიყვანეს დაკავებულები და გაიქცნენ.
წინასწარი დაკავების "მოიკა"! -ღარიბაშვილის რებრენდირებული პოლიცია..." - წერს გოგა ხაჩიძე "ფეისბუქში".

ამასთან, სოციალურ ქსელებში გავრცელდა ვიდეო, სადაც ჩანს, რომ პარლამენტის წევრების მიახლოებისთანავე შსს-ს სამრეცხაოს მიმდებარე ტერიტორიაზე პარკირებული, საპატრულო პოლიციის მანქანები ციმციმებს რთავენ და იქაურობას ტოვებენ. დაკავებულთა ახლობლების ნაწილი ამტკიცებს, რომ სამივე დაკავებული ნაცემია.    ვიდეო