შოტლანდიური წარმოშობის ავსტრალიელი მუსიკოსი ჯორჯ იანგი 70 წლის ასაკში გარდაიცვალა. ამის შესახებ ინფორმაცია ფეისბუკგვერდზე როკ-ჯგუფმა AC/DС-მ გაავრცელა.

„გულისტკივილით გატყობინებთ, ჩვენი საყვარელი ძმის და ხელმძღვანელის ჯორჯ იანგის გარდაცვალებას, მისი დახმარებისა და ხელმძღვანელობის გარეშე არავითარი AC/DС არ იქნებოდა“

ჯორჯ იანგი გლაზგოში, შოტლანდიაში 1946 წელს დაიბადა. 1963 წელს ოჯახთან ერთად ავსტრალიაში, სიდნეიში გადავიდა. 1965 წელს ჰარი ვანდოსთან ერთად ჯგუფ The Easybeats-ის შექმნას გაუწია ორგანიზება და მისი სიმღერების უმეტესობის ავტორია. ჯორჯ იანგი AC/DC -ს დამფუძნებლების მალკოლმ და ანგუს იანგების ძმა და ჯგუფის ერთ-ერთი პროდიუსერი იყო, ამასთან ერთად იანგი გარკვეული პერიოდი ჯგუფის ბასისტადაც გამოდიოდა.