"მე დავთანხმდი" - არაბმა შეიხმა მერიემ უზერლის მასთან საღამოს გატარებისთვის დიდი თანხა შესთავაზა

ეს საინტერესოა - 12:40, 23 Oct, 2017

36826

თურქული კინოს ვარსკვლავმა მერიემ უზერლიმ, რომელიც საყოველთაოდ ცნობილი სერიალ „დიდებული საუკუნიდან“ გახდა, თურქულ მედიასთან არაბი შეიხისგან მიღებულ შემოთავაზებაზე ისაუბრა.

„არაბმა შეიხმა საკმაოდ დიდი თანხა შემომთავაზა იმისთვის, რომ ერთ საღამოს მასთან ერთად მევახშმა. მე დავთანხმდი ამ შემოთავაზებაზე და ეს ჰონორარი, რომელიც მისგან მივიღე საქველმოქმედო მიზნებით დავხარჯე. ვფიქრობ, ფული რომელსაც ასე ადვილად გამოიმუშავებს, ადამიანმა თავისთვის არ უნდა დახარჯოს.“- განაცხადა უზერლიმ.

ისტორიულმა სერიალმა „დიდებული საუკუნემ“ საერთაშორისო აღიარება მოიპოვა და ბევრ ქვეყანაში იქნა გაყიდული, მათ შორის არაბეთის გაერთიანებულ საამიროებშიც, მერიემ უზერლი კი ამ ქვეყანაში ბევრი თაყვანისმცემელი შეიძინა და ის იქ საპატიო სტუმრად ითვლება.

შეგახსენებთ, 2017 წლის გაზაფხულზე თურქი მსახიობი მერიემ უზერლი არაბეთის გაერთიანებულ საამიროებთან ერთად საუდის არაბეთსაც ესტუმრა, სადაც მის ვიზიტს ხმაურის გარეშე არ ჩაუვლია. „დიდებული საუკუნის“ ვარსკვლავი ერ-რიადში მისი კოსმეტიკური კომპანიის პრომო-კამპანიაში მონაწილეობის მისაღებად ჩავიდა, რომლის სახეც თავადაა. პრეზენტაციის დროს მერიემ უზერლიმ ჰიჯაბი მოიხსნა, მის მაგალითს რამდენიმე ქალმაც მიბაძა. ეს საქციელი სრულიად ეწინააღმდეგენა საუდის არაბეთის კანონმდებლობას, რომელის მიხედვითაც საზოგადოებრივი თავშეყრის ადგილებში ქალისთვის თავსაბურავის ტარება აუცილებელია, კანონის დამრღვევს კი გაროზგვა ემუქრება. იმის მიუხედავად რომ მერიემ უზერლიმ კანონი დაარღვია, მან ერ რიადი შეფერხების გარეშე დატოვა და დუბაიში გაემგზავრა.