,,ახალციხის მოსამართლეს გოჩა ჯეირანაშვილს ვიცნობ. ორი ადმინისტრაციული საქმე მქონდა მასთან და საკმაოდ დადებითი შთაბეჭდილება დატოვა. ნორმალური და გონიერი მოსამართლეა. ორივეჯერ რთულ სამართლებრივ პრობლემასთან გვქონდა საქმე. ერთ შემთხვევაში მან ჩემი არგუმენტები გაიზიარა, მეორეში-არა, რაც გავასაჩივრე კიდევაც. ორივე პროცესი საკმაოდ კარგად წარმართა და არ მიგვრძნია, რომ მოსამართლეზე რაიმე გარეგანი ფაქტორები ახდენდა გავლენას.

ძალიან დიდი ეჭვი მაქვს, რომ პოლიციელთა საქმეს, რომელმაც "ოცნების" ასეთი აფოფრება გამოიწვია, სერიოზულად უჭირს მტკიცებულებების თვალსაზრისით. არა მგონია, მოსამართლე უსაფუძვლოდ წასულიყო ასეთ დიდ რისკზე, მითუმეტეს დღეს.
ყოველ შემთხვევაში პიროვნულად გოჩა ჯეირანაშვილის უფრო მჯერა, ვიდრე საკმაოდ საეჭვო რეპუტაციის მქონე პროკურორ პაპუაშვილის, და მითუმეტეს რუსული ორბიტის სტაჟიანი თანამგზავრების გოგა ხაინდრავასა და თარხან-მოურავის.

როგორც ჩანს, პროკურატურას სხვა გახმაურებულ საქმეებშიც უჭირს, ეშინია ამ საქმეებშიც იგივე არ მოხდეს დაამით არის გამოწვეული მთავრობის აქტივისტების მობილიზაცია ბორჯომ-ახალციხეში.

ისე, ერთი რამ ვერ გამიგია, როგორ და რატომ არიან დიდ ხნის წინათ რუს "მაესტროებს" ატორღიალებული რენეგატები ქართული სამოქალაქო საზოგადოება".