"კოსოვოში შეიძლება რეფერენდუმი და ყირიმში და კატალონიაში

"კოსოვოში შეიძლება რეფერენდუმი და ყირიმში და კატალონიაში - არა? ადრე უნდა გეფიქრათ ამაზე"- პუტინი

მსოფლიო - 19:06, 19 Oct, 2017

7025

რუსეთის პრეზიდენტმა ვლადიმერ პუტინმა კატალონიის თემაზე საუბრისას განაცხადა, რომ ევროპას ამის შესახებ მაშინ უნდა ეფიქრა, როდესაც ევროპის შიგნით წინააღმდეგობრივმა პროცესებმა განვითარება დაიწყო. განცხადება ამის შესახებპუტინმა ვალდაის კლუბის სესიაზე გამოსვლის დროს გააკეთა.

პუტინის თქმით კატალონიის საკითხის პროვოცირების ერთ-ერთი მიზეზი ევროპის მხრიდან ისეთი სეპარატისტული რეგიონების მხარდაჭერა გახდა, როგორიც კოსოვოა. მისი განცხადებით, კატალონია მსოფლიოში არსებული ორმაგი სტანდარტების ნათელი მაგალითია.

„კოსოვოში შეიძლება რეფერენდუმის ჩატარება და ყირიმში და კატალონიაში არა?“ - კითხვით მიმართა პუტინმა დარბაზს.

„ცოტა ხნით ადრე ვინ ელოდა, რომ კატალონიის სტატუსის შესახებ დისკუსია, რომელსაც დიდი ხნის ისტორია აქვს, სერიოზულ პოლიტიკურ კრიზისში გადაიზრდებოდა? ჩვენ ვნახეთ ევროკავშირის და სხვა ქვეყნების ხელისუფლებების მხრიდან კატალონიის დამოუკიდებლობის მხარდამჭერთა ერთსულოვანი დაგმობა. არ შემიძლია ამასთან დაკავშირებით არ აღვნიშნო: ადრე უნდა გეფიქრათ ამაზე! რა არავინ არ იცოდა ევროპის შიგნით საუკუნეების მანძილზე არსებულ წინააღმდეგობებზე? იცოდნენ ხომ? თუმცა თავის დროზე ისინი ფაქტიურად მიესალმნენ ევროპაში რიგი სახელმწიფოების დაშლას და ამასთან დაკავშირებით სიხარულს ვერ მალავდნენ.“- განაცხადა პუტინმა.