ბრიტანელმა რაიან სკოუტსმა, რომელიც ბირმინგემის უნივერსიტეტში მუშაობს, ფილოსოფიის დოქტორის წოდება ჯგუფური სექსის შესახებ ჩატარებული კვლევებისთვის მიიღო. ახალგაზრდა მკვლევარის აზრით ადამიანების ურთიერთობის ამ ფორმას ძალიან ცოტა სამეცნიერო ნაშრომი აქვს მიძღვნილი და მან თავად გადაწყვიტა ამ სფეროში კვლევის ჩატარება.

უცხოური მედიის ინფორმაციით, სკოუტს ამ სფეროს გამოკვლევის იდეა პირადი გამოცდილების შედეგად მოუვიდა. მან გადაწყვიტა ეს თემა შეესწავლა თუმცა აღმოჩნდა, რომ ამ თემაზე, განსაკუთრებით ორი მამაკაცის და ერთი ქალის ურთიერთობასთან დაკავშირებით ძალიან ცოტა მასალა იყო.

რაიან სკოუტსმა კვლევას რამდენიმე თვე მოანდომა, რომლის განმავლობაშიც ის ახალგაზრდებს შორის სექსუალური კონტაქტის თავისებურებებს იკვლევდა. კვლევის დროს ახალგაზრდა მეცნიერმა დაადგინა, რომ 2 მამაკაცსა და ერთ ქალს შორი ჯგუფური სექსის დროს, მამაკაცებს ერთმანეთთან კონტაქტი თითქმის არ აქვთ, რისი მიზეზიც ჰომოსექსუალური კონტაქტის სტიგმატიზაციაა.