ჰიგიენური საფენების ბრენდის Bodyform -ის დამაარსებელმა კომპანიამ Essity-მ მენსტრუაციის ირგვლივ არსებულ ტაბუსთან დაპირისპირება გადაწყვიტა და რეკლამაში ცისგერი ნაცვლად წითელი სითხე გამოიყენა.

„მენსტრუაცია ნორმალურია და მისი ჩვენებაც ნორმალური უნდა იყოს“ -აღნიშნული წარწერა ჩნდება ვიდეოს ბოლოს, სადაც ასახულია ქალი, რომელსაც შხაპის მიღების დროს ფეხზე მენსტრუალური სისხლი ჩამოდის, კაცი კი მისთვის ჰიგიენურ საფენებს ყიდულობს.

ჰიგიენური საფენების ბრენდები აქამდე იმის საჩვენებლად თუ რა მოცულობის სითხის შეკავება შეუძლია საფენს, ტრადიციულად ცისფერ სითხეს იყენებდნენ.

Bodyform -ის ახალ რეკლამას დიდი გამოხმაურება მოჰყვა სოციალურ ქსელში.