კანადის პრემიერ-მინისტრმა ჯასტინ ტრუდომ როკ მუსიკოს გორდონ დაუნის გარდაცვალებაზე საუბრისას ცრემლები ვერ შეიკავა.

„გორდი იყო ჩემი მეგობარი, ის იყო ყველას მეგობარი, მის გარეშე ჩვენი ქვეყანა დაპატარავდა. მეგონა რომ ემოციებს შევიკავებდი, მაგრამ ეს შეუძლებელია“- განაცხადა ჯასტინ ტრუდომ.

გორდონ ედგარ დაუნი, კანადის ერთ-ერთი ყველაზე ცნობილი მუსიკოსი იყო. ჯგუფ The Tragically Hip-ის ფრონტმენი 17 ოქტომბერს, 53 წლის ასაკში გარდაიცვალა. სიკვდილის მიზეზი ტვინის სიმსივნე გახდა, რომელსაც როკ-მუსიკოსი 1 წლის განმავლობაში ებრძოდა.