თუ პოროშენკო დროის მოგებას ეცდება, ჩვენ მის გადადგომას მოვითხოვთ

თუ პოროშენკო დროის მოგებას ეცდება, ჩვენ მის გადადგომას მოვითხოვთ - მიხეილ სააკაშვილის გამოსვლა მიტინგზე

მსოფლიო - 14:56, 17 Oct, 2017

2273

მოძრაობა "Руху нових сил"-ის ლიდერმა მიხეილ სააკაშვილმა დღეს კიევში მიმდინარე მიტინგზე გამოსვლისას განაცხადა, რომ თუ უმაღლესი რადა დღესვე არ დაუჭერს მხარს მომიტინგეთა მოთხოვნებს, ისინი პეტრო პოროშენკოს გადადგომას მოითხოვენ.მისი თქმით, რადა "სათითეებით თამაშობს" და პოროშენკოს დაკვეთით ცდილობს გააჭიანუროს რეფორმატორული კანონების მიღება."3-4 წლის განმავლობაში შედგა მხოლოდ ერთი პროცესი და ერთი ცვლილება. ერთმა ადამიანმა თავის ხელში მოაქცია სასამართლო ხელისუფლება, და ამიტომ უკრაინაში არ არსებობს სამართალი. ამავე ადამიანმა მოახდინა რადას უზურპაცია ამიტომაც უკრაინაში არარ არის პოლიტიკური პროცესი. უკრაინაში არის "სათითეებით თამაში" და ერთი ადამიანი ნება, რომელიც რადას იყენებს მას როგორც "ლეღვის ფოთოლს", რათა თავისი ქმედებები დაფაროს," - განაცხადა სააკაშვილმა.

სააკაშვილმა გააფრთხილა ხელისუფლება, რომ თუ რადა დღესვე არ მიიღებს ხალხისთვის სასარგებლო ერთ გადაწყვეტილებას მაინც, თუ პოროშენკო შეეცდება დრო გაწელოს, იგი სხვა მოთხოვნებს დააყენებს და კიეველებსა და უკრაინელებს მოუწოდებს პოროშენკოს გადადგომა მოითხოვონ.

"სანამ პოროშენკოა, არ იქნება პროგრესი. სანამ პოროშენკოა, არ იქნება კორუფციასთან ბრძოლა. სანამ პოროშენკოა, იქნება სიღარიბე, დამცირება, ემიგრაცია, განსაკუთრებით ახალგაზრდობის ემიგრაცია, უკრაინის ღირსების შელახვა, ფულის დატაცება, მათ შორის საომარი მოქმედებებისათვის გამოყოფილი ფულის," - განაცხადა სააკაშვილმა.