დაცვის მხარემ პროკურატურა მოწმეებისათვის მინიშნებების მიცემაში დაადანაშაულა. ბრალდებამ კი ადვოკატებს მიუთითა, რომ ისინი მოწმეებზე ზეწოლას ახდენდნენ.
პროცესზე ბაჩო ახალაიამ პროკურორს, შაქრო ზაალიშვილს მიმართა და აღნიშნა, რომ მასში საქმის ფალსიფიცირებისკენ მითითება გაკვირვებას არ უნდა იწვევდეს.

საქმე ეხება იალღუჯას ეპიზოდს, სადაც დაზარალებულ მხარედ შსს-ს თანამშრომელბი არიან ცნობილნი:
„ესეთ დისკრედიტაციას ნუ ეწევიან პროკურატურის თითქოს ჩვენ ვართ, რაღაც მონსტრი, რომელიც არიგებს მოწმეებს და რაღაც მინიშნებებს აძლევს“,-განაცხადა პროცესზე პროკურორმა შაქრო ზაალიშვილმა.

მის ამ განცხადებას ბაჩო ახალაიამ პროცესზე უპასუხა.„მე ღრმად ვარ დარწმუნებული, რომ თქვენ, პროკურატურა ახდენთ მთელი საქმის ფალსიფიცირებას. თუ სასამართლო ამას დაადასტურებს ამაზე კარგი რა იქნება. ჩემი შეხედულება არის, ის რომ საქმე არის მთლიანად ფალსიფიცირებული და მოწმეებზე ახდენთ ზეწოლას, მე ამაში ვარ დარწმუნებული და ამ მოსაზრების გამოხატვის უფლება მაქვს.

სრულებით დარწმუნებით ვამბობ, რომ თქვენ და პროკურატურას რეალურად არ გსურთ ობიექტური ჭეშმარიტების დადგენა საქმეზე, თქვენ ხართ მომართული კონკრეტული ადამიანების წინააღმდეგ საქმის შეკერვით და ნუ გაქვთ პრეტენზია, რომ ხართ ამ საქმის ობიექტური გამომძიებლები“,-განაცხადა ახალაიამ.