პოროშენკო საპროტესტო აქციის მოთხოვნებს გამოეხმაურა

პოროშენკო საპროტესტო აქციის მოთხოვნებს გამოეხმაურა - უკრაინის პრეზიდენტი უკან იხევს?

მსოფლიო - 12:57, 17 Oct, 2017

6750

უკრაინის პრეზიდენტის პეტრო პოროშენკოს თქმით, ხელისუფლება უკვე მუშაობს იმ კანონპროექტებზე, რომელთა მიღებასაც კიევში დაგეგმილი საპროტესტო აქციის მონაწილეები ითხოვენ. პოროშენკოს განცხადებით დეპუტატების იმუნიტეტის მოხსნასთან დაკავშირებით უმაღლეს რადაში კანონპროექტის შეტანა ისევ მოხდება. უკრაინის პრეზიდენტის თქმით სადეპუტატო იმუნიტეტი უკანონობის გარანტად გადაიქცა.

პოროშენკოს განცხადებით, როგორც სადეპუტატო იმუნიტეტის მოხსნა, ახევე ანტიკორუფციული სასამართლოს შექმნა ვენეციის კომისიის რეკომენდაციებს შეესაბამება და კორუფციასთან ეფექტური ბრძოლის შემადგენელ მნნიშვნელოვან ნაწილებს წარმოადგენენ.

პოროშენკოს თქმით ანტიკორუფციული სასამართლოს დაფინანსება უკვე გათვალისწინებულია 2018 წლის ბიუჯეტში, რომლის განხილვასაც უმაღლესი რადა ამ კვირაში აპირებს.

კანონპროექტების შესახებ ცნობილი დღეს დილით, აქციის დაწყებამდე გახდა. საკანონმდებლო ცვლილებები რადას საიტზე უკვე დარეგისტრირებულია.

შეგახსენებთ, კიევი მასშტაბური საპროტესტო აქცია იგეგმება, რომლის მთავარი ორგანიზატორი სააკაშვილის პარტია, „აზოვის“ წევრები და სხვა პოლიტიკური ძალები მათ შორის ‘ბატკივშინა“ და „სამოპომოში“ არიან. საპროტესტო აქციის მთავარი მოთხოვნები უმაღლესი რადას მიერ 3 კანონის მიღებაა. საპროტესტო აქციის ორგანიზატორები და მონაწილეები დეპუტატებისთვის იმუნიტეტის მოხსნას, ანტიკორუფციული სასამართლოს შექმნას, და მაჟორიტარული საარჩევნო სისტემის გაუქმებას მოითხოვენ.