რუსმა მხატვარმა პარიზში საფრანგეთის ბანკის შესასვლელს ცეცხლი წაუკიდა

მსოფლიო - 17:24, 16 Oct, 2017

1571

რუსმა მხატვარმა პეტრე პავლენსკიმ, რომელსაც საფრანგეთმა პოლიტიკური თავშესაფარი მისცა, 16 ოქტომბერს გამთენიისას პარიზში, საფრანგეთის ბანკის შენობის შესასვლელს ცეცხლი წაუკიდა.

სამართალდამცავთა ცნობით დაზიანებულია ბანკის შესასვლელი და ბანკი დაკეტილია.

საფრანგეთის პოლიციამ მხატვარი დააკავა, თუმცა, იგი ჯერჯერობით ცეცხლის წაკიდების მოტივებზე არ საუბრობს.

ამ ფაქტს გამოეხმაურა მოძრაობა Femen-ის აქტივისტი სარა კონსტანტენი, რომელმაც ბანკის შესასვლელის ცეცხლმოკიდებული სურათი გამოაქვეყნა წარწერით - "ბანკირებმა მონარქების ადგილი დაიკავეს! საფრანგეთში რევოლუციის აღორძინება მთელ მსოფლიოშ ააღორძინებს რევოლუციას.

პავლენსკი ხშირად მიმართავს პროტესტის ამგვარ ფორმას. მეორე სურათზე ასახულია 2015 წლის ნოემბერს მომხდარი ფაქტი, როდესაც მხატვარმა მოსკოვში ლუბიანკას ქუჩაზე მდებარე ФСБ-ს შენობის შესასვლელი დაწვა. ეს აქცია მან უკრაინელ რეჟისორს ოლეგ სენცოვს მიუძღვნა, რომელსაც რუსეთში 20 წელი ციხე მიუსაჯეს.

2017 წელს პავლენსკის საფრანგეთმა პოლიტიკური თავშესაფარი მისცა.

პირველად მხატვარი საზოგადოებისთვის ცნობილი პირის ამოკერვით გახდა, რომელიც Pussy Riot-ის მომღერალთა სოლიდარობის მიზნით გააკეთა.

მას სხვა უცნაური აქციებიც აქვს ჩატარებული. მაგალითად, მან ერთხელ, ეკლიანი მავრთული შემოიხვია, მეორედ, ყურის ბიბილო მოიჭრა...