კატალონიის ლიდერი მადრიდს ისევ გაურკვეველ პასუხს უგზავნის

მსოფლიო - 13:35, 16 Oct, 2017

1624

კატალონიის ლიდერმა კარლეს პუჩდემონმა ესპანეთის პრემიერ-მინისტრს მარიანო რახოის ოფიციალური წერილი მისწერა და მოუწოდა მას უახლოესი 2 თვის განმავლობაში დაიწყოს დიალოგი იმ ჩიხური სიტუაციიდან გამოსვლის მიზნით, რომელიც ე.წ. კატალონიის დამოუკიდებლობის რეფერენდუმის შემდგომ შეიქმნა.

შეგახსენებთ, რომ რეფერენდუმის შემდეგ პუჩდემონმა ხელი მოაწერა დამოუკიდებლობის დეკლარაციას, თუმცა კატალონიის პარლამენტს მოუწოდა, გარკვეული ხნით გადაედო მასზე ხელმოწერისა და დამოუკიდებლობის ოფიციალურად გამოცხადების თარიღი.

ამის შემდეგ მადრიდმა პუჩდემონს 5 დღე მისცა, რათა თავის პოზიცია ნათლად ჩამოეყალიბებინა და მიანიშნა მას, რომ დამოუკიდებლობის გამოცხადების შემდეგ იგი ესპანეთის კონსტიტუციის 155-ე მუხლს აამოქმედებს, რომელიც ესპანეთის მთავრობას კატალონიაში ავტონომიის შეჩერებასა და პირდაპირი ცენტრალური მმართველობის შემოღების უფლებას აძლევს. ეს ხუთდღიანი ვადა 16 ოქტომბერს იწურება.

შეგახსენებთ, რომ ევროპულმა სტრუქტურებმა ნათლად განუცხადეს კატალონიას, რომ ესპანეთის შემადგენლობიდან თვითნებური გასვლის შემდეგ მას ავტომარტურად ევროკავშირის გარეთ მყოფად განიხილავენ.