შსს-მ 116 კგ ჰეროინი ამოიღო

სამართალი - 13:00, 05 Jul, 2013

443

მისი თქმით, ჩატარებული სამძებრო და საგამოძიებო მოქმედებების შედეგად ამოღებულია 116 კგ ნარკოტიკული საშუალება "ჰეროინი", რომლის საერთო ღირებულება რამდენიმე ათეული მილიონი დოლარია.

"შინაგან საქმეთა სამინისტრომ საერთაშორისო ნარკოტრეფიკის ფაქტი გამოავლინა. საქმე ეხება განსაკუთრებით დიდი ოდენობით ნარკოტიკულ საშუალებას. სატვირთო ავტომანქანის ჩხრეკის შედეგად, რომელიც სხვადასხვა ტექნიკური საშუალების გამოყენებით ჩატარდა, აღნიშნული ავტომანქანის ძრავაზე დამონტაჟებულ სპეციალურ სამალავში აღმოჩენილია განსაკუთრებით დიდი ოდენობით, კერძოდ, 500 გრამიან შეკვრებად დაფასოებული, 232 ერთეული ნარკოტიკული საშუალება "ჰეროინი", საერთო წონით 116 კგ. შინაგან საქმეთა სამინისტროს ცენტრალური კრიმინალური პოლიციის დეპარტამენტის მიერ ჩატარებული ოპერატიული სამძებრო და საგამოძიებო მოქმედებების შედეგად, ახალციხის ტერიტორიაზე დააკავეს თურქეთისა და მოლდოვას რესპუბლიკის ორი მოქალაქე. დაკავებისას თურქეთის მოქალაქე "მერსედესის" მარკის სატვირთო ავტომანქანას მოლდოვას რესპუბლიკის სახელმწიფო სანომრე ნიშნით მართავდა. მას თან ახლდა მოლდოვას მოქალაქე. გამოძიების ინფორმაციით, აღნიშნულმა პირებმა მიმდინარე წლის 3 ივლისს გადმოკვეთეს სახელმწიფო საზღვარი ნინოწმინდის საბაჟო გამშვები პუნქტის გავლით. თურქეთის მოქალაქემ საქართველოში საერთაშორისო გადაზიდვისათვის უკანონოდ შემოიტანა 116 კგ "ჰეროინი", რომლის ღირებულება რამდენიმე ათეული მილიონი დოლარია. საქმეზე მიმდინარეობს გამოძიება სხვა ფაქტობრივი გარემოებების დადგენის მიზნით", - განაცხადა გიორგობიანმა.