კარპატისპირეთში უკრაინის სახელმწიფოს არსებობა არ იგრძნობა

კარპატისპირეთში უკრაინის სახელმწიფოს არსებობა არ იგრძნობა - მიხეილ სააკაშვილი

მსოფლიო - 14:51, 14 Oct, 2017

2762

უნგრეთის დედაქალაქ ბუდაპეშტში, ულტრამემარჯვენე პარტიამ "იობბიკმა" გამართა აქცია სახელწოდებით - "კარპატისპირეთის თვითგამორკვევია", რომლის მონაწილეებიც აცხადებდნენ, რომ კარპატისპირეთი უკრაინის შემადგენლობიდან უნდა გამოვიდეს და უნგრეთშ შეუერთდეს.

ამ ფაქტს, საქართველოს მესამე პრეზიდენტი მიხეილ სააკაშვილი გამოეხმაურა და აღნიშნა, რომ კარპატისპირეთში უკრაინის სახელმწიფოს არსებობა არ იგრძნობა.

"მე კარპატისპირეთში ყოველ თვეში ჩავდივარ და გარწმუნებთ, რომ როგორც ადრე 2014 წელს, ისე ახლაც ამ ტერტორიაზე უკრაინის სახელმწიფოს არსებობა არ იგრძნობა.

მაგალითად თუ ჩახვალთ ბერეგოვოში, იქ ნახავთ უნგრულ დროშებს, უნგრულ განათლებას, კერძო ბიზნესის უნგრულ დაფინანსებას. აქ საქმე უნგრეთის პოლიტიკაში კი არ არის, არამედ უკრაინის პოლიტიკის არარსებობაში ამ ტერიტორიების მიმართ," - აცხადებს სააკაშვილი.

ბუდაპეშთში გამართულ აქციასთან დაკავშირებით, უკრაინის საგარეო უწყებამ უნგრეთს საპროტესტო ნოტა გაუგზავნა და მოითხოვა, რომ მან აკრძალოს ქვეყანაში ამგვარი აქციის ჩატარება. ნოტაში ასევე აღნიშნულია, რომ უნგრეთი კვლავაც პატივისცემით მოეპყრობა უკრაინის ტერიტორიული მთლიანობის საკითხს.

აღსანიშნავია, რომ რამდენიმე დღით ადრე, უკრაინის მთავარმა სამხედრო პროკურორმა აღნიშნა, რომ უკრაინია-უნგრეთის საზღვრის 150 კილომეტრი ფაქტიურად კერძო საკუთრებაშია და მესაზღვრეებს არ აქვთ მასთან სრული წვდომა, რაც დაუშვებელია და გამოსწორებას საჭიროებს.