თურქეთი იდლიბის პროვინციაში სამხედრო ოპერაციას იწყებს.

როიტერსის ცნობით, როგორც ადგილობრივი მედია იტყობინება, სირიათან საზღვარი 30-მდე სამხედრო დანიშნულების მანქანამ გადაკვეთა.

ადგილობრივი მედიის ცნობით, თურქული სამხედრო შენაერთები სირიის ჩრდილოეთ რეგიონში განთავსდება, რომელსაც ძირითადად ამბოხებულები და ქურთული შენაერთები აკონტროლებენ.

ოფიციალური ანკარას განცხადებით, სამხედრო ძალა სირიის ჩრდილო დასავლეთ რეგიონში დეესლკლაციის ზონის შექმნის მიზნით გაიგზავნა.

9 ოქტომბერს თურქეთის გენშტაბმა იდლიბში ოპერაციის დაწყების შესახებ განაცხადა. ქვეყნის პრემიერმინისტრის თქმით, ანკარა ასტანაში მიღწეული შეთანხმების ფარგლებში მოქმედებს. 22 სექტემბერს თურქეთის პრეზიდენტმა რეჯეფ თაიფ ერდოღანმა განაცხადა, რომ მიღწეული შეთანხმების თანახმად, მოსკოვი იდლიბის პროვინციის საზღვრებს გარეთ იმოქმედებს, ანკარა კი პროვინციის ტერიტორიაზე.