ამის შესახებ ინფორმაიცას, ქიზიყი.ge ავრცელებს.

სამასამდე ადამიანი წირვის დასრულებას ტაძრის ეზოში ელიან და მეუფესთან შეხვედრას კატეგორიულად მოითხოვენ. წინააღმდეგ შემთხვევაში მეუფის გადადგომის მოთხოვნით გამოვლენ.

ქიზიყი.გე-ს ინფორმაციით, მართლმადიდებელი ქრისტიანების აღშფოთება იმ ფაქტმა გამოიწვია, რომ ტაძარს დეკანოზი ნიკოლოზ ლომსაძე ჩამოაშორეს და აქ ღვთისმსახურებას სხვა ქალაქიდან ჩამოყვანილი სასულიერო პირი აღავლენს.

ამ წუთებში ხორნაბუჯისა და ჰერეთის ეპისკოპოსი, მეუფე მელქისედეკ ხაჩიძე წირვას ცარიელ ტაძარში ასრულებს, ლოცვას არცერთი მრევლი არ ესწრება.

მამა ნიკოლოზის ტაძარში დაბრუნების მოთხოვნით მრევლი პატრიარქისთვის საგანგებო მიმართვის გაგზავნას გეგმავს, აქციის მონაწილეებმა ხელმოწერების შეგროვება უკვე დაიწყეს.

თავად მამა ნიკოლოზ ლომსაძე ამ დროისთვის საპროტესტო აქციაზე არ გამოჩენილა, თუმცა, მან მრევლს ტაძარში დაბრუნებისა და წირვაზე დასწრებისკენ მოუწოდა. თუმცა, მრევლი ტაძარში შესვლას მხოლოდ მაშინ აპირებს, თუ ღვთისმსახურებას კვლავაც დეკანოზი ნიკოლოზ ლომსაძე აღავლენს.

ამ ეტაპზე უცნობია, მეუფე მელქისედეკი წირვის დასრულების შემდეგ მოისმენს თუ არა მრევლის პრეტენზიებს.

იხ.ლინკი