ამასთან, ცენტრი აღნიშნავს, რომ "ნიუპოსტმა" სრულად და უცვლელად გამოაქვეყნა ცენტრის პოზიცია, რისთვისაც მადლობას უხდის სააგენტოს.

"ნიუპოსტი" გთავაზობთ ეროვნული გამოცდების ცენტრის განცხადებას:

"ბაზაში გამოცდილი (აპრობაციაზე გატანილი) დავალებების მხოლოდ ნაწილი ხვდება, ისიც მოდიფიცირების შემდეგ. გარდა ამისა, ერთ კონკრეტულ საცდელ ტესტირებაზე გატანილი დავალებებით არ ხდება ტესტის საბოლოო ვერსიის შექმნა - ტესტში კონკრეტული საცდელი ტესტირებიდან მხოლოდ ერთეული დავალება ხვდება, ესეც დაცულობის მექანიზმია იმ შემთხვევისთვის, თუ აპრობაციის მონაწილემ დაიმახსოვრა რომელიმე ტესტური დავალება.

ამასთან, ტესტში დავალება შედის რედაქტირების შემდეგ და არა იმ სახით, როგორც საცდელ ტესტირებაზე იყო გატანილი. ასევე იცვლება პასუხების თანმიმდევრობა (რიგითობა).

აპრობაციებზე გასული დავალებების ნაწილის ნახვა აბიტურიენტებს დამხმარე მასალებშიც შეუძლიათ.

კონფიდენციალობა და უსაფრთხოების უპრეცენდენტო ზომებია დაცული ბეჭდვისას - ტესტები ბრიტანეთში, კონფიდენციალური მასალების ბეჭდვაში გამოცდილმა კომპანიამ "სტივენ ოსტინმა" დაბეჭდა.

გამოცდების ეროვნულმა ცენტრმა დეტალურად განმარტა ეს ყოველივე სააგენტო ნიუპოსტსთან საუბრისას. სააგენტომ კი სრულად და უცვლელად გამოაქვეყნა ცენტრის პოზიცია, რისთვისაც მადლობას ვუხდით ნიუპოსტს. რაც შეეხება სოციალური ქსელების ზოგიერთი მომხმარებლის კომენტარებს სტატიაზე, მივიჩნევთ, რომ კონკრეტული (აშკარად არაკომპეტენტური) პირების მიერ პოლიტიზირებული, დეზინფორმაციული ხასიათის კომენტარების გავრცელება პროცესის კომპრომენტირებას, ასევე აბიტურიენტების შეცდომაში შეყვანას ემსახურება და გამიზნულ ქმედებას ჰგავს.

ნიშანდობლივია, რომ სწორედ სოციალური ქსელებით ვრცელდებოდა ცილისმწამებლური ინფორმაცია ცენტრის თანამშრომლების შესახებ გასული წლის მაისიდან რამდენიმე თვის განმავლობაში", - აღნიშნულია განცხადებაში.