საგანგებო ბრიფინგი სახელმწიფო აუდიტის შენობაში

სამართალი - 11:17, 04 Jul, 2013

642

"გაცნობებთ, რომ პოლიტიკური პარტიების ფინანსური მონიტორინგის სამსახურმა პროკურატურიდან მიღებული მასალების შესწავლის შედეგად გამოავლინა, რომ "ერთიანმა ნაციონალურმა მოძრაობამ" კანონის გვერდის ავლით, პარტიული მიზნებისთვის დასაქმების პროგრამისთვის გათვალისწინებული საბიუჯეტო სახსრები და მიიღო უკანონო შემოწირულობა, 5 240 880 ლარის ოდენორით.

კერძოდ, 2012 წელს სოციალური მომსახურების სააგენტომ საქართველოს მთავრობის დასაქმების პროგრამის ფარგლებში, განახორციელა შრომითი ხელშეკრულებების დადება 21 837 პირთან, რომლებმაც განახორციელეს წინასაარცევნო სააგიტაციო სამსახურები, პარტიის სასარგებლოდ.
აქვე დადგინდა, რომ დასაკონტრაქტებელ პირთა სია შედგენილი იყო ადგილობრივი თვითმმართველობების წარმომადგენლების მიერ. "ერთიანი ნაციონალური მოძრაობის" მიერ, პარტიული აქტივისა და მხარდამჭერებისაგან. რომლებიც ინფორმირებულებიც კი არ იყვნენ, დასაქმების პროგრამის ფარგლებში განსახორციელებლი სამუშაოების შესახებ.

აღნიშნული ცხადყობს, რომ რიგი სახელმწიფო უწყებების მიერ უგულვებელყოფილი იქნა დასაქმების პროგრამით გათვალისწინებული მიზნები და საბიუჯეტო სახსრები მიმართული იქნა "ერთიანი ნაციონალური მოძრაობის" წინასაარჩევნო კამპანიის სასარგებლოდ.
შედეგად, საქართველოს შრომის, ჯანმრთელობისა და სოციალური სამინისტროს ანსიგნებებიდან "ერთიანმა ნაციონალურმა მოძრაობამ" მიიღო უკანონო შემოწირულობა, 5 240 880 ლარის ოდენორით.

აქვე აღსანიშნავია, რომ რადგანაც საქართველოს პარლამენტის 2012 წლის 19 დეკემბრის ამნისტიის აქტის შესაბამისად მოკლებული ვართ შესაძლებლობას განვახორციელოთ ადმინისტრაციული საქმის წარმოება და რადგანაც საქმეში იკვეთება სხვა მოქმედი კანონმდებლობით გათვალისწინებული ნორმების დარღვევის ნიშნები, ზმოაღნიშნულ ანგარიშს დამატებითი შესწავლისთვის ვუგზავნით საქართველოს მთავარ პროკურატურას", - აღნიშნა პოლიტიკური პარტიების ფინანსური მონიტორინგის სამსახურის უფროსის მოვალეობის შემსრულებელმა, ზურაბ აზნაურაშვილმა.