უწყების ინფორმაციით, ცენტრალური კრიმინალური პოლიციის დეპარტამენტის 1-ლი მთავარი სამმართველოს მე-3 სამმართველოს თანამშრომლებმა დიდი ოდენობით ნარკოტიკული საშუალების უკანონო შეძენა-შენახვა-გასაღების ბრალდებით, კასპის რაიონის სოფელ აღაიანში წარსულში სხვადასხვა დანაშაულისთვის მრავალჯერ ნასამართლევი, 1971 წელს დაბადებული ილია ი. აიყვანეს.

"სამართალდამცველებმა დაკავებულის პირადი ჩხრეკისას 4 ნატეხი, ხოლო მისი საცხოვრებელი სახლის ჩხრეკისას 78 აბი ნარკოტიკული საშუალება "სუბუტექსი" ამოიღეს. ექსპერტიზის დასკვნით, ამოღებული აბები დიდი ოდენობით ნარკოტიკულ ნივთიერება "ბუპრენორფინს" შეიცავს.

ნარკოლოგიურმა შემოწმებამ ილია ი-ს "ბუპრენორფინის" და სინთეზური "კანაბინოიდების" მოხმარების ფაქტი დაუდგინა.
დაკავებული აღიარებს ჩადენილ დანაშაულს", - აცხადებენ სამინისტროში.

მათივე ცნობით, გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვა-გასაღების ფაქტზე მიმდინარეობს (სსსკ-ის 260-ე მუხლის მე-3 ნაწილით, რაც 8-დან 20 წლამდე ან უვადო პატიმრობას ითვალისწინებს).