კვირას, დღის მეორე ნახევარში მოსკოვის ჩრდილო-დასავლეთით მდებარე სავაჭრო ცენტრ „სინდიკა“-ში მასშტაბური ხანძარი გაჩნდა, ცეცხლმა 50 ათას კვადრატულ მეტრზე მეტი ფართობი მოიცვა. ხანძრის შედეგად სავაჭრო ცენტრის სახურავი ჩაინგრა.

სავაჭრო ცენტრიდან 3000-მდე ადამიანის ევაკუაცია გახდა საჭირო. ხანძარ საწინააღმდეგო ოპერაციაში 350 მეხანძრე, მრავალრიცხოვანი ტექნიკა და 3 ვერტმფრენი იყო ჩართული. თუმცა ცეცხლის ჩარქრობა მხოლოდ 9 ოქტომბერს გამთენიისას მოხერხდა.

ინციდენტის შედეგად დაშავდა რამდენიმე ადამიანი, წინასწარი ინფორმაციით ზარალმა შეძლება 5 მილიარდ რუბლს გადააჭარბოს.

ხანძრის საქმეზე გამოძიება მიმდინარეობს, განიხილება რამდენიმე ვერსია, მათ შორის ცეცხლის განზრახ გაჩენაც.

„სინდიკა“ სამშენებლო მასალებს უმსხვილესი სავაჭრო ცენტრია, რომელიც 2014 წლის შემოდგომაზე გაიხსნა. მისი ფართობი მთლიანობაში 150 ათასი კვადრატული მეტრია. „სინდიკაში“1000 ზე მეტი მაღაზია და 5 ათას ავტომობილზე გათვლილი ავტოსადგომია.