ბოლო ოფიციალური მონაცემების თანახმად, რეგიონის დამოუკიდებლობას მხარი მოსახლეობის 90%-მა დაუჭირა, წინააღმდეგი წავიდა, თითქმის, 8%.
პლებისციტში მონაწილეობა ორ მილიონზე მეტმა ადამიანმა მიიღო, რაც დარეგისტრირებული ამომრჩევლის, თითქმის, 43%-ს შეადგენს.
კონკრეტულად, რეგიონის დამოუკიდებლობას მხარი დაუჭირა 2 მილიონ 44 ათას 38-მა ადამიანმა, რაც 90,18%-ია. იმ ადამიანების რაოდენობა, ვინც ამ დამოუკიდებლობას ეწინააღმდეგება, 177 547-ია.
ესპანეთის მთავრობისა და საკონსტიტუციო სასამართლოს მიერ არაკანონიერად ცნობის მიუხედავად, 1 ოქტომბერს კატალონიაში დამოუკიდებლობისადმი მიძღვნილი რეფერენდუმი ჩატარდა. ხმის მიცემა ესპანურ პოლიციასთან დაპირიპირებისა და შეტაკებების ფონზე მიმდინარეობდა.
ესპანეთის ხელისუფლება კატალონიის რეფერენდუმს არ აღიარებს . რეფერენდუმს არალეგიტიმურად მიიჩნევს ევროკომისიაც.
ავტონომიის პრეზიდენტის კარლეს პუჩდემონის თქმით კი, კატალონია დამოუკიდებლობას უახლოეს დღეებში გამოაცხადებს
მასალის გამოყენების პირობები






