რუსმა მსახიობმა და რეჟისორმა რენატა ლიტვინოვამ მომღერალ ზემფირასთან ქორწინების შესახებ გავრცელებული ინფორმაცია უარყო. ამის შესახებ რუსულ მედიას ლიტვინოვას წარმომადგენელმა განუცხადა.

მისი თქმით, გავრცელებული ინფორმაცია სიცრუეა და ლიტვინოვა მიიჩნევს, რომ ის ადამიანები, ვინც მსგავს ისტორიებს იგონებენ, უნდა დაისაჯონ.

"რენატა ძალიან აღშფოთებულია, მსგავსი ინფორმაციის გავრცელების გამო. მას არასრულწლოვანი გოგონა ჰყავს... ის ეძებს გზებს, როგორ შეიძლება დაისაჯონ ამ სიცრუის ავტორები" - განაცხადა მსახიობის წარმომადგენელმა.

შეგახსენებთ, რუსულმა მედიამ გუშინ გაავრცელა ინფორმაცია, რომ რუსმა როკ- მომღერალმა ზემფირამ და მსახიობმა და რეჟისორმა რენატა ლიტვინოვამ შვედეთში იქორწინეს.