თურქეთში სახელმწიფო გადატრიალების მცდელობაში ბრალდებულ 34 პირს უვადო პატიმრობა მიესაჯა

მსოფლიო - 18:04, 04 Oct, 2017

2188

თურქეთის სასამართლომ 2015 წლის არშემდგარ სახელმწიფო გადატრიალებაში ბრალდებულ 34 პირს უვადო პატიმრობა მიუსაჯა. პროკურატურა ყოფილ სამხედრო მოსამსახურეებს თურქეთის პრეზიდენტის რეჯეპ ტაიპ ერდოღანის მკვლელობის მცდელობაში ადანაშუალებს. როგორც თურქული მედია იტყობინება, მათ შორის არის ერდოღანის პირადი დაცვის უფროსიც.

შეგახსენებთ, 2016 წლის 15 ივლისის ღამეს, თურქეთში სამხედრო ამბოხი მოხდა, რომლის ორგანიზატორად , ანკარა პრეზიდენტ ერდოღანის ოპოზოციონერ , სასულიერი პირს ფეთჰულა გიულენს ასახელებს და ვაშინგტონისგან მის ექსტრადირებას ითხოვს.

ფეთჰულა გიულენი 1999 წლიდან პენსილვანიაში ცხოვრობს.

სამხედრო გადატრიალების მოწყობის მცდელობას 230 ადამიანი ემსხვერპლა, მათი უმრავლესობა თავად სამხედროა.

15 ივლისის შემდეგ სამსახურიდან დაითხოვეს და დააპატიმრეს ათი ათასობით სამხედრო, მოსამართლე, პოლიციელი, მასწავლებელი. ქვეყანაში დაიხურა 100-ზე მეტი მედიასაშუალება, რის შედეგადაც სამსახურის გარეშე დარჩა 2 300-ზე მეტი ჟურნალისტი.

15 ივლისის მოვლენების შემდეგ თურქეთში მინიმუმ 99 ჟურნალისტი და მწერალი დააკავეს, მინიმუმ 330-ს აკრედიტაცია ჩამოართვეს.

სამხედრო გადატრიალების შემდეგ სულ 40 000 ადამიანი დააკავეს, სამსახურებიდან გაათავისუფლეს ან საქმიანობა შეუჩერეს 120 000-მდე ადამიანს.