რუსეთში, ეკატერინბურგის საქალაქო სასამართლომ უზბეკეთის მოქალაქე, 33 წლის ქალი დააკავა, რომელიც საქართველოს ტერიტორიაზე ადამიანებით ვაჭრობასა და მკვლელობაშია ბრალდებული.

როგორც გამოცემა Znak.com-ს ადგილობრივი პროკურატურის პრესსამსახურზე დაყრდნობით წერს, ქალი, რომელზეც მეოთხე წელია საერთაშორისო ძებნაა გამოცხადებული, 23 სექტემბერს დააკავეს და საქართველოში მისი ექსტრადიციის საკითხზე მუშაობენ.

გამოცემის ცნობით, უზბეკეთის მოქალაქე 2012-2013 წლებში ბათუმში, საკუთარი თანამემამულეებს პროსტიტუციაში ჩაბმას აიძულებდა. გარდა ამისა, ქართველი ძალოვნების მტკიცებით, ინტიმური მომსახურების გაწევაზე უარის თქმის შემთხვევაში, ის გოგონებს ფიზიკური ანგარიშსწორებით ემუქრებოდა.
გამომძიებლების მტკიცებით, ერთ-ერთ გოგონას მან მუქარა აუსრულა კიდეც და საკუთარი მოკლა, რადგან გოგონა პოლიციისთვის ყველაფრის მოყოლას აპირებდა.

უზბეკეთის მოქალაქეს საქართველოში ბრალი რამდენიმე მუხლით აქვს წაყენებული. მას ოცდახუთ წლამდე პატიმრობა ემუქრება.