ლას-ვეგასში მომხდარი თავდასხმის შესმრულებლის, 64 წლის სტივენ პედოკის მეგობარი ქალი, 62 წლის მერილოუ დენლი აზიიდან ამერიკის შეერთებულ შტატებში დაბრუნდა.

ლოს-ანჯელესის აეროპორტში მას FBI-ს აგენტები დახვდნენ.

აშშ-ის პოლიციის განცხადებით, დენლი არ დაუკავებითა, ის არის პირი, რომელიც გამოძიებისთვის ინტერესს წარმოადგენს, რომელიც შესაძლოა, მნიშვნელოვან ან ისეთ ინფორმაციას ფლობდეს, რაც პოლიციას საქმის გამოძიებაში დაეხმარება.

პოლიცის მიერ გავრცელებული თავდაპირველი ინფორმაციით, მერილოუ დენლი სროლის დროს თავდამსხმელთან იმყოფებოდა, თუმცა მოგვიანებით, პოლიციამ გავრცელა ინფორმაცია, რომ მან აშშ 15 სექტემბერს დატოვა და აზიაში გაემგზავრა. 25 სექტემბერს კი ტოკიოდან ფილიპინებში გადაფრინდა.

CNN-ის ინფორმაციით, პოლიცია აცხადებს, რომ პედოკმა ფილიპინებში $100,000 გადარიცხა.

შეგახსენებთ, 64 წლის სტივენ პედოკმა, ქანთრი მუსიკის კონცერტზე ათასობისთ მაყურებელს ცეცხლი სასტუმროს 32-ე სართულის ფანჯრიდან გაუხსნა. სროლის შედეგად დაიღუპა 59 და დაშავდა 527 ადამიანი.

შემთხვევაზე პასუხისმგებლობა ტერორისტულმა დაჯგუფება ისლამურმა სახელმწიფომ აიღო, თუმცა აშშ-ის სპეცსამსახურებინ მამაკაცის ჯიჰადისტებთან კავშირს ჯერჯერობით არ ადასტურებს.

ამ თავდასხმას ამერიკის მშვიდობიანი პერიოდის ისტორიაში ცეცხლსასროლი იარაღით განხრციელებულ მასობრივ მკვლელობებს შორის ყველაზე მეტი მსხვერპლი მოჰყვა. იმაზე მეტიც კი, ვიდრე გასულ წელს, ორლანდოს ღამის კლუბში მომხდარ ტერორისტულ აქტს.