შეხვედრა წარსულთან 55 წლის შემდეგ - გოგონამ ბებიის საქორწილო კაბით იქორწინა (ფოტოკოლჟი)

ეს საინტერესოა - 11:05, 07 May, 2018

7669

ჯორდან ქლევერლიმ 23 სექტემბერს საყვარელ მამაკაცზე იქორწინა. ბრიტანელ წყვილს ერთმანეთი უნივერსიტეტში შეუყვარდა და ურთიერთობაც ქორწილით დასრულდა. თუმცა, ამ ისტორიაში ყვეალზე მნიშვნელოვანი ის არის, რომ ჯორდანმა გადაწყვიტა, მისი ცხოვრების ერთ-ერთ უმნიშვნელოვანეს დღეს, ბებიამისის საქორწილო კაბა ჩაეცვა. კაბა, რომელიც 55 წლის წინ ბებიას ეცვა ქორწილში, 1962 წელს.

გოგონას თქმით, ამის შესახებ ბებიისთვის, პენი ჯონსონისთვის არაფერი უთქვამს, ფოტოგრაფს კი სთხოვა, ის მომენტი დაეფიქსირებინა, როდეაც კაბით ბებიის წინაშე აღმოჩნდებოდა.

როგორც ABC News-თან ჯორდანი საუბრობს, რეაქციამ მოლოდინს გადააჭარბა.

„ის იდგა და ტიროდა. თითქოს დამუნჯდა, ხმას არ იღებდა. შემდეგ თქვა: ახლა მოვკვდები. მოვიდა, ჩამეხუტა და ჩურჩულებდა, რომ თითქოს წარსულში დაბრუნდა, რომ ზუსტად ამ კაბით გაჰყვა საყვარელ მამაკაცს ცოლად, ახლა კი მეც იგივეს ვაკეთებდი“ - ამბობს ჯორდანი.

ჯორდანის თქმით, მისი ბაბუა ჯერ კიდევ მაშინ გარდაიცვალა, სანამ ის დაიბადებოდა.

"ბებია 23 წლის წინ დაქვრივდა. თუმცა, მთელი ბავშვობა და მთელი ცხოვრება, მისი და ბაბუის სიყვარულის ისტორებს გვიყვებოდა" - ამბობს ჯორდანი.