ამის შესახებ უნფორმაციას მთავარი პროკურატურის საზოგადოებასთან ურთიერთობის სამსახურის ხელმძღვანელი ხათუნა პაიჭაძე ავრცელებს.

მისი განმარტებით, არის თუ არა პირადი მიმოწერის გასაჯაროება დანაშაული და დაიწყება თუ არა ამ საკითხზე გამოძიება, ჯერ ამაზე ვერ ისაუბრებს.

"წინასწარ ვერ გეტყვით დაიწყება თუ არა ამ საქმეზე გამოძიება, მაგრამ რადგან ითქვა, რომ პროკურატურა ამ საკითხით უნდა დაინტერესდეს, ეს იმას ნიშნავს, რომ პროკურატურა ამ საქმით დაინტერესდება. როცა ზოგადად საჯარო განცხადება კეთდება, ამაზე პროკურატურა რეაქციას ახდენს. თუმცა მე ვერ ვიტყვი, რა შედეგი მოჰყვება ამ დაინტერესებას, ანუ წინასწარ არ ვიცი დაიწყება თუ არა გამოძიება", - განაცხადა პაიჭაძემ.