მე მომხრე ვარ დიალოგის, კანონისა და კონსტიტუციის ფარგლებში

მე მომხრე ვარ დიალოგის, კანონისა და კონსტიტუციის ფარგლებში - ესპანეთის პრემიერ-მინისტრი

მსოფლიო - 23:14, 01 Oct, 2017

6784

კატალონიაში დამოუკიდებლობის რეფერენდუმის დასრულების შემდეგ, ესპანეთის პრემიერ მინისტრი მარიანო რახოი ქვეყნის მოსახლეობას ტელეეთერით მიმართა.

პრემიერმა მოსახლეობას განუცხადა, რომ კატალონიაში დღეს რეფერენდუმი არ გამართულა, რადგან კატალონიელთა დიდ უმრავლესობას მასში მონაწილეობა არ სურდა და ისინი უბრალოდ კანონს დაემორჩილნენ.

რახოის განცხადებით, დღევანდელმა დღემ სერიოზული გავლენა იქონია ესპანეთის რეგიონებს შორის მშვიდობიან თანაცხოვრებაზე და რომ ქვეყანაში ინსტიტუციური წესრიგი ცივილიზებული მეთოდებით უნდა აღდგეს.

"ჩევ რაც შეიძლება სწრაფად უნდა აღვადგინოთ მშვიდობიანი თანბაცხოვრება. მე არასდოს ვხურავ დილოგის მსურველთათვის კარს, მე ყოველთვის ღია ვიქნები პირდაპირი დიალოგისთვის, მაგრამ ეს ყველაფერი კანონისა და კონსტიტუციის ფარგლებში უნდა მოხდეს," - განაცხადა პრემიერმა.

მისი განცხადებით ესპანელი სამართალდმცავები მათი მოვალეობის, ბრძანებისა და სასამართლოს მიერ მინიჭებული უფლებამოსილების ჩარჩოებში მოქმედებდნენ.

მან ქვეყანაში მოქმედ პოლიტიკურ პარტიებს მოუწოდა, ქვეყნის მომავალზე ერთად იფიქრონ. მისი სიტყვებით, კატალონიის დამოუკიდებლობის რეფერენდუმის შემდეგ აუცილებელია ქვეყანაში კონსტიტუციური წესრიგი აღსდგეს.

"ჩვენ ერთიანობა გვჭირდება, მე პოლიტიკური პარტიების მხარდაჭერის იმედი მაქვს, რომლებიც კონსტიტუციის საფძველით მოქმედებენ. მე მათ და პარლამენტის წევრებს მოვუწოდებ ქვეყნის მომავალზე დაფიქრდნენ, ხვალ მე ესპანეთის კონგრესის წინაშე წარვსდგები," - განაცხადა მან ტელემიმართვაში.