ტერაქტი მოხდა კანადაში ალბერტასშტატის ქალაქ ედმონტონში. მამაკაცი, რომელიც თეთრი ფერის შევროლეს მართავდა, ფეხბურთის მატჩის დროს სტადიონთან პოლიციელს ჯერ მანქანით დაეჯახა, შემდეგ კი მას დანით რამდენიმე ჭრილობა მიაყენა. გაქცევისას ეჭვმიტანილმა ქუჩიდან სატვირთო ავტომობილი გაიტაცა და ოთხ ფეხით მოსიარულეს დაეჯახა.

დაჭრილი პოლიციელი და მშვიდობიანი მოქალაქეები საავადმყოფოში არიან გადაყვანილები.

ეჭვმიტანილი პოლიციამ რამდენიმე საათიანი დევნის შედეგად დააკავა. ის 30 წლის მამაკაცი აღმოჩნდა, გამოძიება მის ვინაობას არ ასახელებს, თუმცა ცნობილია, რომ მის კუთვნილ მანქანაში ძალოვანებმა "ისლამური სახელმწიფოს" დროშა აღმოაჩინეს, რის შემდეგაც მომხდარს ტერაქტის კვალიფიკაცია მიენიჭა.