ალექსეი ნავალნი ისევ დააკავეს.

მოსკოვში, საკუთარი სახლის სადარბაზოში ოპოზიციის ერთ-ერთი ლიდერი, „კორუფციის წინააღმდეგ ბრძოლის ფონდის“ დამფუძნებელი ალექსეი ნავალნი დააკავეს. ამის შესახებ პოლიტიკოსმა სოციალურ ქსელსი დაწერა. მისი თქმით, დაკავებისას, სამართალდამცავებს მიზეზი არ დაუსახელებიათ და არ იცის, რატომ აიყვანეს.

აღსანიშნავია, რომ ოპოზიციონერი ნიჟნი ნოვგოროდში არასანქცირებულ მიტინგზე უნდა გამგზავრებულიყო.

რუსეთის შსს-მ ნავალნის დაკავება დაადასტურა და მიზეზად , არასანქცირებულ მიტინგზე მისი დასწრების სურვილი დაასახელა.

თუმცა პოლიციის განყოფილებამ, სადაც ის მიიყვანეს, განცხდა, რომ ნავალნი არ დაუკავებიათ, არამედ განმარტებების მისაცემად მიიყვანეს.