ბერგიუზარ კორელი შეურაცხყოფის სამიზნე გახდა - რა გააკეთა ხალიტ ერგენჩმა მეუღლის დასაცავად

ეს საინტერესოა - 14:52, 28 Sep, 2017

23679

„დიდებულ საუკუნეში“ სულთან სულეიმანის როლის შემსრულებელმა, თურქმა მსახიობმა ხალიტ ერგენჩმა ინსტაგრამზე საკუთარ მეუღლეს მსახიობ ბერგიუზარ კორელს ვრცელი პოსტი მიუძღვნა. მიზეზი ინტერნეტმომხმარებლების და მედიის წარმომადგენლების მხრიდან წამოსული აგრესია გახდა, რომლის სამიზნეც ბერგიუზარ კორელია, ბრალდება რომ სწორედ კორელმა დაანგრია ერგენჩის პირველი ოჯახი კვლავ აქტუალურია.

ერგენჩმა და კორელმა ერთმანეთი 2006 წელს სერიალ „1001 ღამის“ გადაღებაზე გაიცნეს, ერთობლივმა სამუშაომ მსახიობები დაახლოვა და მალე მატი რომანიც დაიწყო, რომლის შედეგადაც ხალიტ ერგენჩი მეუღლეს გაშორდა და 2009 წლის 7 აგვისტოს ბერგიუზარზე დაქორწინდა. 2010 წელს ვარსკვლავურ წყვილს შვილი ალი შეეძინა.

მიუხედავად იმისა, რომ მათი ქორწინება უკვე 8 წელს ითვლის, სოცქსელებში და ზოგიერთ თურქულ მედიაში, ისევ აქტუალურია თემა, რომ ბერგუზარმა საკუთარი ოჯახი, სხვისი ოჯახის დანგრევის შედეგად შექმნა. მსახიობი ამის გამო შეუარცხოფის სამიზნე არაერთხელ გამხდარა, სწორედ ამის გამო ბერგიუზარ კორელი იძულებული გახდა სოციალურ ქსელებში ყველა თავისი გვერდი დაეხურა. ამ დროის განმავლობაში ხალიტ ერგენჩი აღნიშნულ ტემასთან დაკავშირებით კომენტარს არ აკეთებდა, თუმცა როგორც ჩანს მისი მოთმინებაც ამოიწურა და მან ამ საკითხს ინსტაგრამზე ვრცელი პოსტი მიუძღვნა.

„როდესაც ჩვენი რომანი დაიწყო, ჩვენს ამბავზე ათას რამეს ჰყვებოდნენ, ამიტომ მე ამის შესახებ ყველაფერი მოვყევი ერთ-ერთ ინტერვიუში. ადამიანს თუ გაგება უნდა პირველ ჯერზევე გებულობს, მაგრამ ამდენი ხანი გავიდა და ვერ გამიგია, რატომ ლაპარაკობენ ჩვენს ქორწინებაზე ისევ ამდენ უსიამოვნო რამეს. კიდევ ერთხელ ვიმეორებ- ბერგიუზრი არ ყოფილა ჩემს პირველ მეუღლესთან განშორების მიზეზი. ჩვენი ურთიერთობა სიყვარულით დაიწყო და ჩვენ მზად ვიყავით შესაძლო სირთულეებისთვისაც.

ჩემს პირველ მეუღლეს თავისი ოჯახი აქვს და ჰყავს შვილები, გთხოვთ გამოიჩინოთ მცირეოდები პატივისცემა მაინც. ბერგიუზარი უკვე 8 წელია ჩემი მეუღლეა, ის ჩემი შვილის, ალის დედაა. ის არის ადამიანი, რომელიც ყოველთვის მეყვარება და დავაფასებ.

მიმაჩნია, რომ ყველა პუბლიკაცია და კომენტარი ჩემი მეუღლის მისამართით არის უსამართო და დაუსაბუთებელი, მკაცრად ვგმობ მათ, ვინც ამას წერს.“- ნათქვამია ხალიტ ერგენჩის მიერ გამოქვეყნებულ პოსტში.