უგანდის ოფიციალურო პირების განცხადებით, ქვეყანაში არსებული ძლიერი გვალვის გამო, ბავშვების მსხვერპლშეწირვის შემთხვევები გახშირდა.

ამის შესახებ ვრცელ სიუჟეტს გვთავაზობს Fox News-ი.

ძლიერი გვალვის გამო, აღმოსავლეთ აფრიკაში 11 მილიონზე მეტ ადამიანს საკვების პრობლემა აქვს, 1.6 მილიონი კი შიმშილის ზღვარზეა.

ამის ფონზე, კი გააქტიურდნენ მჩხიბავები. შიმშილისგან თავის დასაღწევად და გვალვის დასასრულებლად, ისინი მოსახლეობას მსხვერპლშეწირვისკენ მოუწოდებენ.

ხშირშემთხვევაში, მსხვეროლად პატარა ბავშვებს სწირავენ.

„ეს არის სასტიკი რიტუალია, რომელიც ბავშვებს ხოცავს და მათ მშობლებს მენტალური პრობლემების წინაშე აყენებს“ - განაცხდა პასტორმა პიტერ სევაკირიანგმა, რომელიც კიმპისის ბავშვთა დაცვის სამინისტროს ხელმძღვანელობს.

მისივე თქმით, ისინი პოლიციასთან თანამრომლობენ და ბავშვების გადასარჩენად აქტიურად მუშაობენ.

პოლიციის ოფიცრის თქმით, 2016 წელს მჩხიბავებმა შვიდი მცირეწლოვანი მოკლეს. 2015 წელს კი 7 ბავშვო და 6 მოზარდი შეწირეს მსხვერპლად. თუმცა, სავარაუდოდ, მსხვერპლად შეწირული ბავშვების რიცხვი, გაცილებით მეტია.

მხოლოდ ამ თვეში უგანდელმასამართალდამცველებმა, რიტუალურ მკვლელობებში მონაწილეობის ბრალდებით, 44 ადამიანი დააკავეს. ერთ-ერთმა დაკავებულმა მამაკაცმა 8 ქალის მკვლელობა აღიარა.

ბავშვთა დაცვის გლობალური ორგანიზაციის KidsRights-ის ცნობით, უგანდაში 650 000 მჩხიბავია, რომელიც ოფიციალურად ცნობილია, თუმცა მათი რიცხვი დაახლოებით 3 მილიონმადე აღწევს.

ბავშვთა მსხვერპლშეწირვა ასევე გავრცელებულია ტანზანიაში, ნიგერიაში, სვაზილენდში, ლიბიაში, ბოტსვანაში, სამხრეთ აფრიკაში, ნამიბიასა და ზიმბაბვეში.