დიდი ბრიტანეთის საელჩო, საქართველოში, 6 ოქტომბერს, ბორის პაიჭაძის სახელობის მოედანზე , საქართველო-უელსის მატჩზე დასწრების მსურველ საკუთარ მოქალაქეებს რეკომენდაციებს აძლევს და აფრთხილებს.

საელჩოს მიერ გავრცელებულ განცხადებაში დეტალურად არის აღნიშნული, როგორ უნდა მივიდნენ თბილისისა და ქუთაისის აეროპორტებიდან მოქალაქეები ქალაქის ცენტრამდე, რა ღორს ტაქსები, რა დრო დასჭირდებათ ამისთვის. სად მდებარეობს სტადიონი, როგორ უნდა გადაადგილდნენ ქალაქში და ა.შ.

საელჩოს ცნობით, კრიმინალის დონე თბილისში დაბალია, თუმცა პერიოდულად ადგილი აქვს ძარცვას ხალხმრავალ ადგილებში, საღამოს საათებში, განსაკუთრებით ბარებისა და კლუბების მიმდებარე ტერიტორიებზე. საელჩო მოუწოდებს მოქალაქეებს ქუჩაში გადაადგილებისას თან არ იქონიონ დიდი თანხა.

-„არსებობს შემთხვევები ტაქსის მძღოლების მხრიდან სექსუალური ძალადობის და შეურაცხყოფის შესახებ.

- გამოიჩინეთ სიფრთხილე: ნუ იმოძრავებთ დიდი თანხით, თავი აარიდეთ ღამე ფეხით გადაადგილებას.

- შეინახეთ, პასპორტი, ფული და თქვენი პირადი ნივთები უსაფრხო ადგლას“ - ნათქვამია საელჩოს განცხადებაში.

ამავდროულად, საელჩი ურჩევს მოქალაქეებს, გამოიჩინონ ყურადღება გზის გადაკვეთისას.

„- ფრთხილად იყავით გზის გადაკვეთისას: წითელი შუქნიშნები და ზებრა გადასასვლელი არ ნიშნავს, რომ მანქანა გაჩერდება" - აღნიშნულია განცხადებაში.

განცხადების თანახმად, ავარიები საკმაოდ ხშირად მოვლენაა, რაც ძირითადად მოძრაობის წესების დარღვევით არის განპირობებული.

დიდი ბრიტანეთის საელჩო მოუწოდებს მოქალაქეებს, პატივი სცენ ქვეყნნის ტრადიციებსა და რელიგიას.

"ქალაქში არ არის საზოგადოებრივი ტუალეტები, ამიტომაც კაფეებში და პაბეში შესვლა, რაიმეს ყიდვა მოგიწევთ, ამ მომსახურების გამოსაყენებლად. ნუ მოშარდავთ ქუჩაში - ეს დანაშაულია" - ნათქვამია განცხადებაში.