უკრაინაში, ვინიცის ოლქის ქალაქ კალინოვკაში მდებარე სამხედრო საწყობში ხანძარი, შესაძლოა, უპილოტო საფრენი აპარატით (დრონით) გააჩინეს. ამის შესახებ უკრაინის პრეზიდენტის პეტრო პოროშენკოს მრჩეველმა უსაფრთხოების საკითხებში იური ბირიუკოვმა სოციალურ ქსელში განაცხდა.

"ერთ-ერთმა მებრძოლმა საგუშაგოზე უცნაური ხმა გაიგო და ამის შესახებ მორიგეს შეატყობინა. რამდენიმე წამში კი ღია მოედანზე აფეთქებები დაიწყო" - წერს ბირიუკოვი.

მისივე თქმით, სამხედრო საწყობის პეტიმეტრი კარგად არის დაცული, აქედან გამომდინარეჩნდება ეჭვი, რომ ხანძარი დრონით გააჩინეს. მისი თქმით, პროკურატურა დივერიის ვერსიაზეც მუშაობს.

შეგახსენებთ, ქალაქ კალინოვკას მახლობლად უკრაინის თავდაცვის სამინისტროს ერთ-ერთ ყველაზე დიდ საწყობს ხანძარი გვიან ღამე გაუჩნდა.

ადგილზე 1 000-ზე მეტი მეხანძრე იყო მობილიზებული.

რამდენიმე დასახლებული პუნქტიდან კი მოსახლეობის ევაკუაცია განხორციელდა. ადგილზე უკრაინის პრემიერ-მინისტრი ვლადიმერ გროისმანი ჩავიდა.

სხვადასხვა ცნობებით, კალინოვკაში, სამხედრო საწყობში 138 ათასი ტონა საბრძოლო მასა ინახებოდა.

არსებობს არაოფიციალური ინფორმაცია ერთი დაკავებულის შესახებ, რომელიც ხანძრის შემდეგ საწყობის ტერიტორიიდან გასვლას ცდილობდა.