რუსეთის ფედერაციის მთავრობამ გერმანიის ყოფილი კანცლერი, გერჰარდ შრედერი კომპანია „როსნეფტის“ დირექტორთა საბჭოს თავმჯდომარეობის კანდიდატად დაამტკიცა.

ამის შესახებ Интерфакс-ი საკუთარ წყაროზე დაყრდნობით იტყობინება.

წყაროს თანახმად, დოკუმენტში, რომელიც აღნიშნულ თანამდებობაზე შრედერის დამტკიცებას ეხება, ნათქვამია, რომ ის „ მსოფლიო მასშტაბის ავტორიტეტული პოლიტიკოსია, რომელიც ენერგეტიკის სფეროში რუსეთ-გერმანიის სტრატეგიული თანამშრომლობის მომხრეა.”

გარდა ამისა, წყაროს ცნობით, ტექსტსში ნათქვამია, რომ მას გამორჩეული კომპეტენცია და გამოცდილება გააჩნია, რომელიც მსხვილი რუსული და საეთაშორისო ნავთობ-გაზის კომპანიების დირექტორთა საბჭოებს სჭირდება.“

როსნეფტის დირექტორთა საბჭოს ამჟამად, ვლადიმირ პუტინის თანაშემზე, ანდრეი ბელოუსოვი ხელმძღვანელობს. დირექტორთა საბჭოს ახალი შემადგენლობა 29 სექტემბერს, რიგგარეშე სხდომაზე აირჩევა.

გერჰარდ შრედერი გერმანიის ფედერაციული რესპუბლიკის კანცლერად 1998 წლიდან 2005 წლამდე მუშაობდა. მას ამჟამად კომპანია „ჩრდილოეთის ნაკადის“ აქციონერთა კომიტეტის თავმჯდომარის პოსტი უკავია.

აღსანიშნავია, რომ „როსნეფტი“იმ კომპანიების სიაშია, რომლებზეც ევროკავშირის სანქციები ვრცელდება. ბრიუსელმა აღნიშნული შეზღუდვები რუსეთის მიერ ყირიმის ანექსიის შემდეგ დააწესა.

როსნეფტის დირექტორთა საბჭოს თავმჯდომარეობაზე, შრედერის შესაძლო დანიშვნას, ადრე , კრიტიკით გამოეხმაურა გერმანიის კანცლერი , ანგელა მერკელი.

ნავთობკომპანიის საწესდებო კაპიტალი 105 981 778 რუბლს შეაგდნეს . კომპანიის უმსხვილესი აქციონერები არიან: სახელმწიფო კომპანია "Роснефтегаз" (50%+1 აქცია,) BP Russian Investments Limited (19,75%), QHG Oil Ventures Pte. Ltd. (СП Glencore и QIA, 19,5%).