ბულგარელი მყვინთავი, 45 წლის თეოდორა ბალაბანოვა, მსოფლიო რეკორდის დამყარების მცდელობის დროს დაიღუპა.

ტრაგიკული შემთხვევა, საბერძნეთში, ტორონეოსის ყურეში , 25 სექტემბერს მოხდა.

თეოდორა, ასევე მყვინთავ მეუღლესთან ერთად 231 მეტრის სიღრმეში ჩასვლას ცდილობდა, რაც ახალი რეკორდი იქნებოდა. მიმდინარე მსოფლიო რეკორდი 221 მეტრია.

დაშვების დროს ბალაბანობა ცუდად გახდა, სიბნელის გამო მან ორიენტაცია დაკარგა, პანიკაში ჩავარდა და გარდაიცვალა.

მყვინთავის ქმარმა წყლის ზედაპირზე ამოსვლა შეძლო. ის საავადმყოფოში მოათავსეს.

ადგილობრივი მედიის ცნობით, ორივე გამოცდილი მყვინთავია და ბულგარეთში დაივინგ კლუბსაც ხელმძღვანელობდნენ.