პრინცი ჰარი და მისი შეყვარებული, მსახიობი მეგან მარკლი ოფიციალურ ღონისძიებაზე ერთად პირველად გამოჩნდნენ.

ჰარი და მეგანი ტორონტორში, Invictus Games-ის (“ძლიერთა თამაშები“) გახსნას დაესწრნენ, თუმცა ერთად არ ისხდნენ. პრინცი ჰარი აშშ-ის პირველი ლედის, მელანია ტრამპის გვერდით იჯდა, მეგანი კი სულ სხვა რიგში.

თვითმხილველების თქმით, ჰარი გამუდმებით საყვარელი ქალის მიმართულებით იყურებოდა.

Invictus Games- სხვადასხვა საბრძოლო მოქმედებების დროს და სამშვიდობო მისიებში დაჭრილი და დაშავებული სამხედრო მოსამსახურეების ერთგვარი ოლიმპიადაა, რომელიც პრინცი ჰარის მიერ არის დაარსებული.

შეგახსენებთ , პრინცი ჰარის ახალ რომანზე მედია 2016 წლის 30 ოქტომბერს ალაპარაკდა.

პრინცი ჰარის ახალი რჩეულის ვინაობის გაგებისთანავე, ტაბლოიდები მსახიობის ცხოვრების თითქმის ყველა დეტალზე წერდნენ. დაიწერა ისიც, რომ მეგანის ფერადკანიანი დედის გამო, სამეფო ოჯახი მას არ მიიღებდა.

ამ ფაქტის შემდეგ სამეფო ოჯახმა წერილი გამოაქვეყნა და პრინცი ჰარისა და მეგან მარკლის რომანი ოფიციალურად დაადასტურა. სამეფო ოჯახის განცხადებაში ნათქვამი იყო, რომ პრინცი ჰარი ძალიან შეწუხებული და იმედგაცრუებულია მედიის მიერ მის მარკლის პირადი სივრცის ხელყოფით და იმით, რომ პრინცი მის დაცვას ვერ ახერხებს.

ტაბლოიდები წერენ, რომ 33 წლის პრინცი და 36 წლის მსახიობი 2017 წელს იქორწინებენ.