გაერო-ს გენერალური ასამბლეის 72-ე სესიის ფარგლებში , უკრაინის პრეზიდენტი პეტრო პოროშენკო ნიუ-იორკში აშშ-ის პრეზიდენტ დონალდ ტრამპს შეხვდა.

"თქვენ დიდ პროგრესს მიაღწიეთ. უკრაინაში ცხოვრება ყველაზე მარტივი არ არის, თუმცა თქვენ მას ყოველდღიურად უკეთესობისკენ ცვლით და კარგ საქმეებს აკეთებთ“ - განაცხადა ტრამპმა უკრაინის პრეზიდენტთან შევხედრისას.

თავის მხრივ, პეტრო პოროშენკომ აშშ-ის პრეზიდენტს მადლობა გადაუხადა მხარდაჭერისთვის, შეხვედრის შემდეგ კი ჟურნალისტებთან განაცხადა, შეერთებული შტატები მხარს უჭერს შეთავაზებას დონბასში გაეროს სამშვიდობო მისიის თაობაზე.

მისივე თქმით, ტრამპი და პოროშენკო შევთანხმდით, რომ მთავარი მიზანი დეოკუპაცია, სუვერენიტეტის აღდგენა და უკრაინაში მშვიდობის დამყარებაა, რაც შეიძლება მალე.

„ ეს არის ის, რაც მინდა, როგორც უკრაინის პრეზიდენტს და რაშიც მხარს გვიჭერენ მსოფლიოს საკვანძო ქვეყნები“ - განაცხადა პოროშენკომ.