აშშ-ის სახელმწიფო დეპარტამენტმა შტატებში ჩასვლის მსურველებისთვის ვიზების გაცემა გაამკაცრა. ამის შესახებ New York Times-ი სახელმწიფო დეპარტამენტზე დაყრდნობით იტყობინება. გამოცემის ცნობით, აღნიშნული შინაარსის წერილი აშშ–ის სახელმწიფო მდივანმა რეკს ტილერსონმა ამერიკის საელჩოებს მთელი მსოფლიოს მასშტაბით გაუგზავნა.

ახალი წესების თანახმად, ვიზის მიმღები პირი ვალდებულია აშშ-ში შესვლიდან სამი თვის განმავლობაში შეასრულოს ის მიზანი, რაც ვიზის მისაღებად საჭირო დოკუმენტაციაში მიუთითა.

იმ შემთხვევაში, თუ ვიზის მიმღები შტატებში ყოფნის პირველი სამი თვის განმავლობაში ქვეყანაში ყოფნის მიზნებს ცვლის, მაგალითად იწყებს სწავლას, მუშაობას, ქორწინდება აშშ-ის მოქალაქეზე და ა.შ. ჩაითვლება, რომ მან იცრუა და საკონსულოს არასწორი ინფორმაცია მიაწოდა. მსგავს შემთხვევაში კი შესაძლოა, მისი დეპორტაცია მოხდეას, ან ხელმეორე სავიზო მოთხოვნაზე პრობლემები შეექმნას ან საერთოდ, უარყოფითი პასუხი მიიღოს.